२०७७ मंसिर ११, बिहिबार | Thu, 26, Nov, 2020

दसैँ र कोरोना : के खाने, के नखाने ?

  • २०७७ कार्तिक १०, सोमबार मा प्रकाशित १ महिना अघि
  • उनकाअनुसार तेलमा तारेर बनाइएको परिकारहरु कम खानुपर्ने छ । बजारमा पाइने चिल्लो, सुकिलो र सफा देखिने खाद्य वस्तुहरुमा बढी विशाक्त प्रयोग भएको हुनसक्ने भएकाले त्यस्ता वस्तुहरुको प्रयोग गर्दा ख्याल गर्न समेत उनले सुझाव दिएका छन् । त्यस्तै डा. कोइरालाले बोइलर कुखुराको मासु धेरै नखान समेत आग्रह गरेका छन् । बोइलर कुखुरामा धेरै एन्टिबायोटिक प्रयोग भएको र जेनेटिक मोडिफाइडसमेत भएकाले बोइलर कुखुराको मासुको कम प्रयोग गर्नुपर्ने उनको भनाई छ । त्यस्तै खसीबोकाको उपभोग पनि कम गर्न उनको सुझाव छ ।

     

    डा. कोइरालाले कोकाकोला, फेन्टा लगायतका पेय पदार्थको समेत कम प्रयोग गर्न आग्रह गरे । दिनको एकदुई वटा कागतीको सेवन गर्ने, पुदिना, भाङ, तिल लगायतका वस्तुबाट बनाइएको अचार तथा चटनी खाने बानीले रोगब्याधी कम गराउने उनले बताए । त्यस्तै धेरै प्रकारका मल प्रयोग भएका सागसब्जी, तरकारीहरुको प्रयोग नगर्न समेत उनले सुझाव दिए । सादा खाना खान र शरीरभित्र कुनैपनि प्रकारको भार नपर्ने गरी खान पनि उनको सुझाव छ ।

     

    शुद्ध पानी धेरै पिउने, गुर्जो, उमारेको जमरा, कागतीलगायतको सेवन गर्नु उपयुक्त हुने डा. कोइरालाले बताए । त्यसबाहेक नियमित व्यायम गर्दा समेत शरीरलाई फाइदा पुग्ने उनको भनाई छ । योगा, खानपान, आयुर्वेदका जडिबुटी र मनोविज्ञानका पक्षहरुमा सबैधन्दा धेरै ध्यान दिनुपर्नेमा उनले जोड दिए ।

     

    भाइरोलोजिस्ट डा. बाबुराम मरसिनीले दसैँको बेला सहर बजारबाट आफ्नो घरमा जाँदा विशेष सावधानी अपनाउनुपर्ने बताए । दसैँमा घर नजानभन्दा पनि घर गएपछि संक्रमणबाट जोगिनका लागि विभिन्न उपायहरु अपनाउन सकिने उनको भनाई छ । घरमा गएपछि परिवारका सदस्यसँग घुलमिल हुनुभन्दा अलग्गै बस्नुपर्नेमा डा. मरासिनीले जोड दिए । खाना खाँदा दूरी कायम गर्ने, दसैँमा टिका लगाउँदा खुल्ला ठाउँमा लगाउने, भीडभाड नगर्ने हो भने रोग लाग्नबाट बच्न र बचाउन सकिने डा. मरासिनीको भनाई छ ।

    प्रतिक्रिया दिनुहोस


    नयाँ